دریگ ءِ بانک;
_________
آمنارا چم پیشداریت !بلے من ہچ کُت نہ کن آں،آنزانت ملنگیں من چونیں مردمے آں،بس تہنا بیچارگ انت چوبیچارگیں دنیا ے وڈا ءُ زہراں منی سرا کشیت۔من گُش آں چم پیش مدار کمیں وتی دلبندا چیر دئے اے بے لاگامیں چمانی زنگ ء جنگ وت مریت۔تو کہ وھدے چو بیگاہے کوش ءِ پیما پدا کراچی ءِ دمکاں کش ئے گڈاں وا ہرکس وتی جیگ ءَ پچ کنت ءُ دلبندءَ تئی نیمگ ءَ تاپہ دنت دانکہ زردا تاہیر ءُ مجگ ءَ وشی تالہہ ءَ بہ بیت۔
من ترا یک گپے الم گُش آں من چو آمُلاءِ پیما نہ انت کہ کوچ ءِ تہا راہ ء رواندی سر ءُ پینڈال باں ،من چو کوریں یاسین ءِ وڈا انت۔ہچ نگندآں بلے دزموش الم کن آں۔دزموش ءَ گندگ وا ہچ نہ بیت مارگ الم بیت ۔
من کورے آں ءُ کور چے گندیت؟؟
بلے ہُشک الم کنت۔
پدا بد بہتی ءَ توار اچ تئی دریگ ءَ پیداک انت اگاں چم ترا کپیت بزاگیں منی چے گناہ انت کہ من ءَ چم پیشدارے اسلءَ میاریگ تو ءُ تئی توار انت۔
دریگ ءِ بانک! اے گپ ءَ مگُش کہ حبیبؔ تو چونے؟اے گپ ءَ شربزان کہ تو چون ئے ءُ چے کنگائے؟؟!

---کولوائی---