(باز جہد کُت بلے ازم ءُ لبزتراشی ءَ گوں من ہمراہ داری نہ کُت. بوت کنت آزمانک ءِ لیکگ مہ بیت بلے چے کن آں منا وتی دل ءِ گُک کشّگی اتاں کاگدانی رنگ سیاہ کُت انت شمئے گرانکدریں پنت ءُ سوجانی رہچارآں!)__________________________________________________________لبرل ازم;_____

داں ہوش ءِ کنت ہما چاپڈءِ سیاھگ ءُ پیروک دل محمد ءِ کسہ!پیروک ءَ زند پہ کسہ کاری ہلاس کُت بلے نماسگءَ کدی گوشدارگ کمیں تہمل ہم نہ کُت۔نماسگ ءِ دل ءَ پیروک پیر انت پیر ایں کنوگ بنت۔پیروک ءِ مجگ جُشتگ ہلاس انت شریں گپ نہ زانت مپت ءَ رپٹیت۔ملّین ءِ دمگ ءَ ہر وھداءَ دو یا سئے سال ءِ سرا ڈوکال الم کپت۔ پدا اے دمگ ءِ مردم گریبں شپانک،گوال،سرابان ءُ دلوت داریں مردم اتاں۔ہر سال ءَ کہ ڈوکال کپت گُڈاں ملّین ءِ مردم لٹ ءَ شُت انت پہ وتی مال ءُ دلوتاں کاہ ءُ بوچ اش چت ءُ آورت کہ مال گُژن ءَ مہ مر انت۔پیروک ءِ ہما دپ نہ اوشتی ہما کسہ کاری۔۔۔۔۔ اردیں کہ چہ کاہ ءُ بوچ ءَ وتر بوت ہمک مردم ءِ کرا وتی درایں راہ ءُ رندانی کسہ یکپارگی کُت انت !بلے نماسگ ءِ یکیں گپ پیروک۔۔۔۔۔۔۔۔۔۔۔۔!عراق ءِ جنگ ءَ چہ لہتیں سال پیسرا ملین ءَ پدا ڈوکال کپت ءُدل محمد گوں میتگ ءِ وتی ہم اُمراں کاہ ءُ بوچ ءَشُت پدا زوت سئے شمبے روچ ءَ واتر اتک اں!َمروچی جمعہ ات ،سہتے ءَ پیسرا پیروک ءَ دیگرے ءِ نماز ونت ءُ تگردے ءِ سرا سنگ ءِ سرا جاہ ءِ بدلے کُت سرے ماگوریچانءِ نیمگ ءَ ایرے کُت ءُ دلبا لاپ ءَ وپت جکّان ءُ شکاران ءَ اللّٰلہ رھم اللّٰلہ رھم کنگ ءَ ات۔چہ بلوک گلاتون ءِ ڈک ءِ کسانیں دروازگ ءَ استاد گمشاد ءِ مات ءَ را وتی نماسگ دلشو باڈا ات شنکوں شنکوں کنان ءَ پیداک ات رست ءُ پیروک ءِ سلام دات۔”بابی تو اے ڈاڈوا نزر ءِ دم ءَ بکن ءُ گرے چِٹ ءِ ہم بدئے گوں ۔اے شیتان ءَ وتی بزگیں مات ازاب کُتگ نہ نان ءُ آپے ءَ کلیت ءِ نئیکہ دگہ کارے ءَ ۔۔۔بزگ ءِ ساہ ءِ کش ات ءَ “ اُستاد گمشاد ءِ مات ءَ گُشان ءِ لمب پہ دنتان داشتگ ات دلشو کُٹ ءِ تہا لگتوکی جنگا ات ،پیروک ءِ چارت ءُ گُشتے!”شریں بی بی بیبل باریں مئے گنہگارانی دم گراں یا نہ بلے ھیر من وتی یکیں شوفاے جنانے “ پیروک سرے پاگ ءِ لمباتہا مان جنگ ءَ دلگوش ات جواب ءِ دات!”جنے برو وتی جی جائے کرا دو زرد ءُ سیاہ ایں بندیک بیار “پیروک ءَ وتی نیماتکی ایں بچ ءِ جنکورا گُشت!ہیر! دم ءُ دوت ،چِٹ ءُ تائیت ءِ کار ہلاس بوت وش نیادی بندات بوت گپ ماں گپ ءِ سرا پیروک ءَ وتی سپر ءِ راہ ءُ رندانی سکی ءُ سرویانی کسہ پاد کُت۔” بی بی بیبل!من باز سپر کُتگ بازیں کوہ ءُ کنڈگ ہم دیستگ واری ءُ ازابی ہم بلے اے رندی ایں سپرا منی زند ءِ اولی سپر انت۔“ پیروک گپ کنان ءَ پُشت ءَ کنزت!”بابی باریں چے ہیر بوت ءَ کسہ ءَ بکن“بیبل ءَ دل محمد ءِ گپ پروشت ءُ اشتاپ اشتاپ ءَ جُست کُت۔ ©”بیبل ہیر کجیں بزگ! “پیروک ءَ چمے کانٹ کُت ءُ پسوارا دات۔” بابی پدا ہم“ بیبل ءَجست کُت۔”ما چو پیش ءِ وڈابامری ڈاٹ ءِ کشک گپتءُ دیم پہ لٹ ءَ سر کپ اتاں بلے کلام ءَ جت کہ امبری ما لالچ کُت کشک یل دات کہ چہ چپپی ءِ راہ ءَ راواں جلدی سرا بان شومی ءَ ما اے راہ شری ءَنہ زانتگ ات چیا کہ اے راہ ءَ ما کدی ہم نہ شُتگ ایں بس ناکو رحمت ءِ دپ ءَ اوش کُتگ کہ اے راہ نزیک انت مارا لٹ ءَ سر کنت۔۔ہمئے شومیں اشتاپ کاری ءِ جہسری ءَ ما وتی راہ گار کُتءُ سر دگہ دیم ءِ کش ات ۔بزاں لٹ ءَ پُش مئے سر کپت ۔داں یک میتگ ءِ اتک آ میتگ بلوچی میتگے ات مردم ہم بلوچ اتاں، واجہاں مئے ازمت باز ہم کُت پدا نیم ونندیں مردم اتاں، ما بازیں سپر ا ژند ءُ پنداتاں سئے روچ ءِ ہمودءَ جلاتاں۔بلے منا یک چیزے ءَ اے میتگ ءِ مردمانی ہیران کت ۔آ اش ات کہ ہر کس ءِ داپ ءَ ات کہ مارا واجہ لبرل ازم ءَ شنک جت ،وشھال ءِ کُت ،آسودگ ءِ کُت۔ مئے ہک ءِ مارا بکشات انت۔۔۔۔۔۔۔۔۔۔۔!ما گیشترہیران اے گپ ءَ بوت ایں کہ اے لبرل ازم چے بلاہے؟ گُڈی ءَ منا دپ ءَ نہ مرینت من میتگ ءِ کماش ءاچ َ جست کُت واجہ اے چے بلاہے کہ نام ءِ چہ شمئے دپ ءَ ءُ دوستی ءِ اچ شمئے دل ءَ چہ نہ پروشیت؟ ساڑاہگائے دم ہم نہ براِت ۔ پداکماش ءَ شریں وڈے ءَ لبرل ازم ءِ سر اانچو گپ جت کہ منا انچوش دوست بوت من دل ءَ گُشت کہ پدی ءَ پہ سلامتی ا گاں وتی میتگ ءَ سر بوت آں لبرل ازم ءِ تبلیگ ءَ کن آں۔بلے وھدے کہ ما دراہگ ءِ روچ ءَ اچ یک روچے پیسریگیں بیگاہ ءَ پہ کسانیں سوادے ءَ میتگ ءِ کر ءُ کشاں َ دراتک ایں !اے سیل ءُ سوادے نہ بوت من وا ہڑ پشل بوت آں چے گنداں کہ میتگ ءِ لمبا کسان کسانیں مردمی تلواگ بستگ پرائی ءُ دراجی ءَ پنجاہ گام ءُ جہلی ءَ دلبند ےبنت پدا اے تلوگانی تہا درآمدیں جنک ءُ بچک جان دراہ ءَیکجاہ جان شودگ اں،یک ءِ دومی ءَ را آپ جنگ ءَ انتءُ پدا تلواگ ءِ لمب ءَ درچک جتگ درچکانی سیاھگ ءَ جنک ءُ بچک بگل ماں بگل انت ءُ دگہ بازیں بے ہیاایں کار ءُ کردگار ما دیست کہ منی بلوچی زہر گ بی بی بیبل پاد اتک کہ من واجہ ءَ را گُشت ماراوترلوگ ءَ بر کہ مارا گردگ تہمل نہ کنت۔مارا باندا روگی انت ہم۔۔۔۔وھدے کہ ما واجہ ءِ وتاک ءَ سر بیت ایں منی بلوچی زہرگ ءِ جوش گوں من دارگ نہ بوت من گپ تچک ءَ واجہ ءَ را گُشت کہ واجہ اگاں شمئے لبرل ازم اش انت !مارا چہ اے لبرال ازم ءَ بے زار انت واجہ اے لبرل ازم ءِ نہ انت ایشی ء َ بلوچ گُش انت بے ہیائی ،بے گیرتی ،بے شرمی ۔۔۔۔۔۔۔۔۔۔۔!پیروک کسہ کنان ات کہ نماسگ ءَ پیروک ءِ گپ پروشت ءُ کوکار کنان ءَ گشان بوت شُت”بابی تو گنوک ئے ،تی مجگ جشتگ ،ہرکجا تئی جنگ ءُ کوکار۔۔۔تو پیر ئے نوں۔۔۔۔۔۔۔۔۔۔۔۔!“ثیزدہ (13)سال ءَ رند نماسگ ءِ سرشہراں پہ واننگ ءَ کپت ،اے وھدا پیروک ءَ را دہ سال ات کہ دنیا ے یل داتگ ات،نماسگ پدا دست نہ اوشتے ات زوت چاگردی دیمروئی ءِکارانی تہا دزمانجن بوت،لہتیں ماہ ءُ سالاں نہ بلکیں لہتیں روچانی تہا آئی ءَ وتی ہما پیروک ءِ جمعہ ءِ بیگاہ ءِ کسہ چو پچیں کران ءِ تاک ءَ وتی چمانی دیم ءَ اسلی رنگ ءَ گندگءَ ات!بس آ ہیراں بوت پریشان بوت مدامی یکیں ھیال آئی ءِ مجگ ءَ ریزاں ات کہ سئی ءُ پنچ سال ءَ رند باریں منی نماسگ لبرل ازم ءَکجام رنگ ءَ گندیت۔۔۔۔۔۔!۔۔۔کولوائی۔۔۔